fbpx
Loading

المشكلة

بتواجه سارة تحدّي بيتمثّل في تجربة اتّباع خطط غذائية ورياضية كتيرة، بس للأسف ولا واحد منهم ساعدها توصل لهدفها وهو زيادة نمو العضلات بسرعة وتحسين أدائها الجسدي. جرّبت كل طريقة ممكنة من اتباع خطط رياضية باستمرار لاتباع خطط غذائية بناءً على توصيات أخصائي التغذية بس كل تجاربها ما كانت نتائجها مرضيّة لهدفها.

تأثير المشكلة على حياتها

هدر وقتها وطاقتها

شعورها بالخيبة

تحقيق نتائج غير ثابتة

معرفتها عن الحل المناسب

كان عند سارة فكرة بسيطة عن مبدأ اختبار ال DNA بس ما كانت تعرف عن أهمية النتائج إلّي رح يحقّقها الاختبار. بتتوقّع سارة إنّه اختبار ال DNA للتغذية واللياقة رح يزوّدها بمعلومات عن خصائصها الجينيّة إلّي بتأثر على كتير أمور من ضمنها: القدرة على التعافي وزيادة الكتلة العضليّة والقدرة على امتصاص العناصر الغذائيّة واحتماليّة التعرّض للإصابة، بالإضافة إلى مستوى الطاقة والاستجابة لتمارين القوة والتحمّل.

تأثير الاختبار على حياتها

بعد عمل اختبار ال DNA، خصّصت سارة نظامها الرياضي حتى يناسب خصائصها الجينية، واستهدفت التمارين إلّي بتلائم التكوين العضلي والأيض الخاص في جسمها. وأخيرًا، خلال 3 أسابيع سارة قدرت تزيد من الاوزان يلي بتحملها زادت 2 كيلو عضل ، والأهم انها شعرت بأنها نشيطة طول الوقت على رغم من اتباعها خطة غذائية إلى انها ما شعرت بأي قيود أو صعوبة

المشكلة

جرّب أحمد يقلّل من الأكل بشكل عام وتحديدًا السعرات الحرارية، وصار يروح عالجيم بانتظام، بس للأسف ما لمس أي نتيجة بعد 4 شهور من الالتزام في البرنامج.

تأثيير المشكلة على حياته

هدر وقته

شعوره بالإرهاق

انخفاض همّته ودافعه للاستمرار في البرنامج

ارتفاع معدّل الاكتئاب بسبب شعوره بعدم الإنجاز

معرفته بالحل

عرف أحمد إنه فيه اختبار قادر يوصل لأعمق نقطة في تكوينه البيولوجي ويكشف أسراره وكيف بيأثّر على حياته اليوميّة، وأخيرًا يقدمله نصائح مخصّصة واستشارة بتساعده في رحلته لخسارة الوزن.

تأثير الاختبار على حياته

بعد عمل اختبار ال DNA، انصدم أحمد من حقيقة إنه لكل جسم أسلوبه الخاصة في الاستجابة للتمرينات والأكل. كان بيعرف إنه خفض مستويات الإجهاد بيرتبط بخفض مستويات الكربوهيدرات إلّي بيتناولها وبهاي الطريقة بيقدر يخسر وزن، بس بعد الاختبار تبيّن إله إنه اعتقاده غير صحيح لإنه في وضعه الجسم بيستجيب لمستويات الدهون في الجسم بشكل أوضح وأكبر من الكربوهيدرات. وبعد ما صار ياخد كميات مناسبة من الكربوهيدرات في نظامه الغذائي، لاحظ إنه صار عنده طاقة أكتر لمّا يتمرّن ونظام غذائي متوازن ما بيحرمه من الاستمتاع في أي عنصر غذائي بدل من إنّه يتبع نظام غذائي عشوائي غير متوازن. وأخيرًا، قدر أحمد يخسر وزن بشكل أسرع مرتين من البرامج إلّي اتّبعها من قبل، بس الفرق إنه صار بيقدر يتناول كل العناصر الغذائية إلّي بيحتاجها ويستمتع فيها.

المشكلة

فارس ممنوع من أكل الأشياء إلّي بيحبها، وكمان ما بيقدر يشارك بأي لعبة أو رياضة خارجية بسهولة بسبب خوف إمه من تعرضه للجراثيم والمرض.

تأثير المشكلة

نشوء الخلافات بين أم فارس ووالده بسبب اختلافهم بخصوص اهتمامات فارس.

ثقة فارس مهزوزة بسبب انتقاد أقرانه لنوعية أكله

شعور فارس بإنه منبوذ بسبب نظام حياته الصارم

توتر وقلق ليلى الدائم على فارس

معرفته بالحل

والد فارس عرّف ليلى على اختبار ال DNA على إنه وسيلة جديدة حتى يلاقوا حل وسط بخصوص نظام حياة فارس، وقادهم اهتمامهم ليكتشفوا إنه الاختبار بيعطي نتائج وتوصيات مخصّصة بتناسب كل فرد بحسب تكوينه البيولوجي. باعتقادهم إنه ممكن المشكلة تنحل بمجرد ما عملوا الاختبار وأخدوا بتوصياته.

تأثير الاختبار على حياتهم

انصدمت ليلى بمعرفة إنه كل إشي عملته حتى تحمي ابنها كان شبه غيرصحيح بعد ما وضّحت نتائج الاختبار عدم وجود أي نوع حساسية تجاه الأكل بالإضافة لمناعة أعلى من الوضع الطبيعي ومعدل أيض مرتفع في جسم فارس. بفضل المعلومات إلّي بيقدّمها الاختبار وجلسة الاستشارة الفردية مع أخصائي تغذية واستشاري صحي، صار عند ليلى دافع لتوقف نظامها الحياتي الصارم وغير المفيد بعد ما كانت متمسّكة فيه وبتدّعي إنه مفيد. لمس فارس تغيرات في كل جانب في حياته بعد الاختبار، لإنه ببساطة صار طفل أسعد بيلعب وبينخرط بالأطفال وبيجرّب كل إشي زي أي طفل طبيعي، بالإضافة إلى إنه نظامه الغذائي المتوازن بيسمحله يتناول أنواع أكتر من الأكل بتزوده بقيمة غذائية أفضل.

المشكلة

بقدر ما بتحاول منى يكون نمط حياتها طبيعي وعضوي، إلا إنه للأسف جسمها بيفتقد لكتير فيتامينات وعناصر غذائيّة ضرورية، وخاصة مع التزامها الشديد بممارسة اليوغا، فهي بتحتاج لعناصر غذائية أكتر من المعدل الطبيعي وهاد الإشي ما بيوفرّلها إياه نمط حياتها الحالي. منى بتعتقد إنه أي إشي مو طبيعي 100% سيء.

تأثير المشكلة على حياتها

نمط نوم متقطع

عدم القدرة على النوم

الإرهاق

الغثيان

خسارة الوزن

المعرفة بالاختبار

بس عرفت منى باختبار ال DNA رفضت تعمله لاقتناعها بأسلوب حياتها، إلّا إنه صديقتها قدرت تخدعها وتخلّيها تعمله بحجة إنه اختبار إجباري للشغل.

تأثير الاختبار على حياتها

رجعت صديقة منى ومعها نتائج اختبار ال DNA وأكيد واجهتها بحقيقة إنه نمط حياتها ما كان النمط الصح لإنه ببساطة هي بتتمنّى الأفضل إلها، ولمّا شافت منى نتائج الاختبار عرفت إنه نمط حياتها ممكن يدمّر صحتها في المستقبل لو استمرت فيه لإنه نظامها الغذائي بيفتقر لفيتامينات ضروريّة، بالإضافة للحرمان من ساعات كتيرة من النوم أدركت منى إنه مو كل المكملات الغذائية والأدوية أو الطعام المصنّع سيء وبلّشت تقلّل من تمسّكها بقناعاتها في هاد الخصوص وتهتم بالأشياء إلّي بيحتاجها جسمها عنجد. أمّا بالنسبة لنومها فلاحظت إنه كانت بتعاني من قلة إفراز الميلاتونين فقررت تعدل وقت نومها حتى يرجع طبيعي متل الأول.

تواصل معنا

079-069-076-8